Asociación Vasco Navarra de Beneficencia

Habanako Asociación Vasco Navarra de Beneficencia 1877an jaio zen euskaldunen eta nafarren ongintza-elkarte gisa, eta zabalik jarraitzen du. Urte hartako otsailaren 26an agintari kolonialek hura sortzeko bilera baimendu zuten, eta uztailean eratu zen: Buenos Airesko Laurak Batekin batera, urte berekoa hura ere, Amerikako lehen euskal elkarteetako bat da. Laurak Batek ez bezala, hasieratik onartu zituen Pirinioez bestaldeko euskaldunak; 1883an 610 bazkide zituen, horietatik 15 Iparraldekoak. Colón hilerrian elkartearen panteoia du, Laurac Bat, 1902an inauguratua. XXI. mendera ia itxita iritsi zen, eta María Teresa Cornide presidente zela 2002tik eta Renato García Egusquiza 2012tik, 2008ko 280 bazkide pasatxotik 2017ko 554ra igaro zen, 140. urteurrena ospatu zuen urtean; Eusko Jaurlaritzak 2006ko otsailaren 7an aitortua zuen.