Pribatutasuna

Euskal Diaspora Gunea erregistratu gabe eta ezer bete gabe kontsultatzen da. Neurtzen den gauza bakarra trafikoa da —zenbat bisita iristen diren, zer orri irakurtzen diren eta zer herrialdetatik—, eta cookieen oharrean onartzen baduzu bakarrik. Arduraduna Mikel Moreno da (info (a bildua) euskaldiasporagunea (puntua) eus).

Hala ere, legeak datu pertsonaltzat hartzen ditu edozein webgunek darabiltzan gauza batzuk, bisita baten IP helbidea adibidez. Orri honek azaltzen du zein diren hemen eta zertarako erabiltzen diren.

Onartzen baduzu, webguneak Google Analytics 4 erabiltzen du bisitak, irakurritako orriak, herrialdeak, nabigatzaileak eta gailuak zenbatzeko. Oinarri juridikoa: zure baimena (DBEO, 6.1.a art.), nahi duzunean ken dezakezuna Cookieak orrian. Onartzen ez baduzu, Google Analytics ez da kargatzen.

Googleren seinalerik eta iragarkien pertsonalizaziorik gabe dago konfiguratuta. Googlek dioenez, Europar Batasuneko, Suitzako eta Erresuma Batuko bisitetan IP helbidea kokapen gutxi gorabeherakoa kalkulatzeko baino ez du erabiltzen, eta gorde gabe baztertzen du. Bisitari bakoitzaren datuak bi hilabetez gordetzen dira; gero zifra bateratuak baino ez dira geratzen.

Hornitzailea: Google Ireland Limited (Gordon House, Barrow Street, Dublin 4, Irlanda). Datuak Google LLCra transferi daitezke, Estatu Batuetan, EB-AEB Datuen Pribatutasun Esparruari (Data Privacy Framework) atxikia.

Webgunea Vercel Inc. (440 N Barranca Avenue #4133, Covina, CA 91723, Estatu Batuak) enpresan dago ostatatuta, eta eskaera bakoitzaren datu teknikoak erregistratzen ditu, IP helbidea barne, orriak zerbitzatzeko eta gehiegikerien aurka babesteko. Oinarri juridikoa: webguneak funtziona dezan eta segurua izan dadin interes legitimoa (DBEO, 6.1.f art.). Vercel Data Privacy Frameworkari atxikita dago.

Zure helbidea eta kontatzen duzuna erantzuteko eta, hala badagokio, edukia zuzentzeko edo osatzeko erabiltzen dira. Oinarri juridikoa: idaztean ematen duzun baimena (DBEO, 6.1.a art.). Mezuak kontsulta ebatzi arte gordetzen dira, eta gehienez urtebetez. Posta zerbitzua cdmon (10DENCEHISPAHARD, S.L.U., C/ Girona 96, local 2, 08380 Malgrat de Mar) enpresak ematen du.

Fitxek euskal etxe bakoitzaren posta, telefonoa eta webgunea argitaratzen dituzte, Eusko Jaurlaritzaren erregistro ofizialean (Open Data Euskadi) agertzen diren bezala, edonork bere euskal etxea aurki dezan. Batzuk pertsona jakin batenak izan daitezke. Oinarri juridikoa: dagoeneko publikoa den informazio hori zabaltzeko interes legitimoa (DBEO, 6.1.f art.). Posta helbideak spam programek bil ez ditzaten argitaratzen dira.

Datu batek zu ukitzen bazaitu eta kentzea nahi baduzu, idatzi harremanetarako helbidera: fitxatik kentzen da, justifikatu beharrik gabe.