Euskal etxeari buruz
Ontarioko (Oregon) Ontario Basque Club 1947an sortu zen emakumeen klub gisa, Ontario Basque Ladies Club izenarekin. Ideia Serafina Uberuaga Mendigurenena izan zen, eta Timotea «Timmie» Yraguen Echanisi eraman zion, familiarekin batera Echanis ostatuaren jabe zenari: 1922an zabaldua, derrigorrezko geldialdia zen Homedale, Marsing, Jordan Valley eta Steens Mountains artean lan egiten zuten euskal artzainentzat, eta 34 otordu zerbitza zitzakeen aldi berean. Biek batera deitu zuten lehen bilera. Gaur klubak Ontarioko tren-geltoki zaharrean du egoitza; hirurogeita hamar urte baino gehiagoz egin du ongintzazko afari-dantzaldi bat, arkumearen zuzeneko enkantearekin, eta 1994tik «Sustraiak» proiektuan biltzen ditu inguruko euskaldunen familia-historiak, dokumentuak eta argazkiak.
- Helbidea
- P.O. Box 1233, 97914, Ontario, Oregon, USA (AEB, EE.UU.)
- Posta elektronikoa
- info (a bildua) ontariobasqueclub (puntua) org
- Webgunea
- ontariobasqueclub.org
- Sare sozialak