Euskal etxeari buruz
Washington D.C. Euskal Etxea 2005eko topaketa batetik sortu zen, Estatu Batuetako mendebaldeko euskal artzainei buruzko dokumental baten emanaldian. Urte horretako urrian izan zen: Frantziako Enbaxadak «The Last Link» eman zuen, eta harreran elkar ezagutu zuten Argia Beristainek eta Jurdana Izagirre Artazak, euskal etxearen sortzaile izango zirenek. Ondoren etorri ziren afariz, patxaranez eta berandura arteko solasaldiz betetako hilabeteak, eta bilera ireki bat deitzeko erabakia, inguruko beste euskaldun batzuk aurkitzeko. Lehen topaketa hartara, 2006ko uztailean, Washington inguruko 30 lagun baino gehiago joan ziren, eta handik sortu zen euskal etxea, Eusko Jaurlaritzak 2007an aitortu zuena.
- Helbidea
- 5422 1st Street, NE (personal Sam Zengoititabengoa), 20011, Washington, DC, Columbia, USA (AEB, EE.UU.)
- Posta elektronikoa
- president (a bildua) wdceuskaletxea (puntua) org
- Webgunea
- wdceuskaletxea.org