Txoko Alai - Euskal Etxea of Miami, Inc.

Txoko Alai, Miamiko Euskal Etxea, jai alaiaren inguruan sortu zen, Floridan jokatzen zuten edo bertan erretiratu ziren euskal pilotarien artean. Laurogeiko hamarkadan estatuak martxan zeuden hamaika frontoi izatera iritsi zen, eta inguruko hainbat pilotarik eta pilotari ohik bi erakunde sortu zituzten, Toki Ona, 1986an, eta Txoko Alai izeneko txoko gastronomiko txiki bat, azkenean bakar batean bat egingo zutenak. Haien artean zegoen Boni Guenetxea gernikarra, hamarkadetan elkartearen arima izan zena. Eusko Jaurlaritzak 1997an aitortu zuen. Neurri handi batean Donostiako erako elkarte gastronomiko gisa dabil, euskara-eskolekin eta Aberri Eguna eta San Ignazio bezalako jaiekin, eta 2016an, urte luzez herrialdearen mendebaldeko euskal etxeetatik aparte egon ondoren, NABOn sartu zen.