Italia

Ez da aurkitu Ameriketakoen pareko euskal emigrazio bat Italiara izan zela dokumentatzen duen azterketarik. Italiako euskal gizataldea txikia, profesionala eta unibertsitarioa da, eta haren etxe bakarra ez da kolonia baten etxea, kultura zabaltzeko proiektu bat baizik. Erroman jaio zen 2002an, euskal kulturaz interesatzen zen edonorengana iristeko, euskalduna izan ala ez, eta gehien egiten duena euskara-eskolak ematea da hiriko Herri Unibertsitatean.

Associazione Culturale Euskara du izena. Eusko Ikaskuntzak 2002an kokatzen du haren sorrera, eta Eusko Jaurlaritzaren erregistro ofizialak urte hartako azaroaren 19an aitortu zuen.²¹ euskalkultura.eus-ek bisitatu zuenean, 2003aren amaieran, «urtebete eta zertxobait» zeraman aitortuta.³ 2005ean Euskal Hizkuntza eta Kultura Saila jarri zuen martxan Erromako Herri Unibertsitatean (Erromako euskal etxea).² Hamar urte geroago, 2015ean, Eusko Ikaskuntzak ENE saria eman zion, Euskal Herritik kanpo euskararen alde egindako lana saritzen duena.⁴²